Nikaraqua rəsmisi: "Hökumətdə 9 qadın nazir təmsil olunur"

"Ölkəmizdə 16 nazirdən 9-u qadındır. Bu isə ümumi nazirlərin 56 faizinin qadınlardan ibarət olduğunu göstərir".

"Report" xəbər verir ki, bunu Nikaraquanın qadın işləri naziri Jessica Yahoska Padilla Leiva noyabrın 20-də Qoşulmama Hərəkatının ailə, qadın komitələrinin Bakıda keçirilən “Qadınların hüquqlarının inkişaf etdirilməsi və səlahiyyətlərinin artırılması” mövzusunda konfransda çıxışı zamanı deyib.

Onun sözlərinə görə, Nikaraquada qadınların huquqları qorunması ən vacib məsələlərdəndir: "Bir çox ictimai sferada qadınlar rəhbər vəzifədədir. Yoxsulluğun azaldılması, səhiyyə, təhsil, əmək sektorunda insan hüquqları strukturu qurmaq üçün əlimizdən gələni edirik".