Nazir müavini: "Bolqarıstan QDİƏT-də Azərbaycanın gördüyü işləri davam etdirəcək"

Nazir müavini: "Bolqarıstan QDİƏT-də Azərbaycanın gördüyü işləri davam etdirəcək"
Xarici siyasət
1022
14 Dekabr , 2018 14:57
Nazir müavini: Bolqarıstan QDİƏT-də Azərbaycanın gördüyü işləri davam etdirəcək

Bakı. 14 dekabr. REPORT.AZ/ "Azərbaycanın Qara Dəniz iqtisadi Əməkdaşlıq Təşkilatındakı (QDİƏT) sədrliyi səmərəli olub".

“Report” xəbər verir ki, bunu QDİƏT Xarici İşlər Nazirləri Şurasının Bakıda keçirilən 39-cu iclasının yekunlarına həsr olunan mətbuat konfransında Bolqarıstan xarici işlər nazirinin müavini Emiliya Kraleva bildirib.

“Azərbaycanın sədrliyinin prioriteti olan qarşılıqlı əlaqələr başlıca məsələlərdəndir. Biz Azərbaycanın QDİƏT çərçivəsində gördüyü işləri davam etdirəcəyik”, – nazir müavini deyib. 

O, təşkilatın bundan sonra da Avropa İttifaqı məcrasında fəaliyyət göstərməsinin vacibliyini vurğulayıb.

“Mühüm sahələr üzrə işçi qruplar çərçivəsində işləyəcəyik. Başlıca şüarımız “Bir ümman imkanlar” olacaq”, – Bolqarıstan rəsmisi qeyd edib.

Xatırladaq ki, QDİƏT-də sədrlik 2019-cu ilin yanvar ayından Bolqarıstana keçir.