Bakı. 6 mart. REPORT.AZ/ "Avropa İttifaqından (Aİ) çıxdıqdan sonra Böyük Britaniyanın Cənubi Qafqaz üzrə xarici siyasəti dəyişməyəcək".
"Report" xəbər verir ki, bunu Böyük Britaniyanın xarici işlər nazirinin müavini Saymon Makdonald Bakıda "ADA" Universitetində söylədiyi mühazirə zamanı deyib.
O, Londonun regionun bütün ölkələri ilə münasibətlər qurduğunu, amma Böyük Britaniyanın BP şirkətinin fəaliyyəti və Bakı ilə ticarət əlaqələrinə görə Azərbaycanla əlaqələrin xüsusi xarakterə malik olduğunu bildirib.