Yuxarı

NATO PA sessiyasında Dağlıq Qarabağ münaqişəsinin həlli məsələsi qaldırılacaq

Ziyafət Əsgərov NATO Parlament Assambleyasının sessiyasında iştirak etmək üçün Budapeştə gəlib

Bakı. 15 may. REPORT.AZ/ Milli Məclisin birinci vitse-spikeri Ziyafət Əsgərovun rəhbərlik etdiyi nümayəndə heyəti Budapeştdə səfərdədir.

Azərbaycanın Macarıstandakı səfirliyindən "Report"a verilən məlumata görə, nümayəndə heyəti mayın 16-da Budapeştdə start götürəcək NATO Parlament Assambleyasının növbəti sessiyanın iclasında iştirak edəcək.

Nümayəndə heyətinin tərkibinə Milli Məclisin üzvləri Siyavuş Novruzov, Tahir Süleymanov, Məlahət İbrahimqızı və Qüdrət Həsənquliyev daxildirlər. 

Azərbaycanlı parlamentarlar üç gün davam edəcək sessiyanın iclaslarında regional təhlükəsizlik və Dağlıq Qarabağ münaqişəsinin həlli ilə bağlı məsələlər qaldırmaq niyyətindədirlər.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi