Yuxarı
    Bağlamaq

    Natiq Əliyevin ölümü ilə əlaqədar təxirə salınan Azərbaycan-Qazaxıstan hökumətlərarası komissiyasının iclası ilin sonuna qədər keçiriləcək

    Səfir: Hazırda tərəflər komissiyanın iclasının tarixini razılaşdırır

    Bakı. 30 iyun. REPORT.AZ/ İqtisadi əməkdaşlıq üzrə Azərbaycan-Qazaxıstan hökumətlərarası komissiyasının iclası bu ilin sonuna qədər keçiriləcək.

    Bu barədə "Report"a Qazaxıstanın Azərbaycandakı səfiri Beybit İsabayev məlumat verib.

    O, iclasın iyun ayında keçirilməli olduğunu, amma hökumətlərarası komissiyanın həmsədri olan Azərbaycanın energetika naziri Natiq Əliyevin ölümü səbəbiylə təxirə salındığını xatırladıb.

    Diplomatın sözlərinə görə, hazırda tərəflər komissiyanın iclasının tarixini razılaşdırır.

    Xatırladaq ki, Azərbaycanın energetika naziri Natiq Əliyev iyunun 8-də 70 yaşında İstanbulda "Florence Nightingale" klinikasında vəfat edib. O, Bakıda II Fəxri Xiyabanda dəfn olunub.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi