Yuxarı

Mövlud Çavuşoğlu Bakıda Fəxri Xiyabanı və Şəhidlər Xiyabanını ziyarət edib

Qafqaz İslam Ordusunun əsgərləri Türkiyə-Azərbaycan arasında birlik və əlaqələrin qurulumasının memarıdır

Bakı.25 fevral. REPORT.AZ/ Türkiyənin xarici işlər nazrir Mövlud Çavuşoğlu və xanımı Hülya Çavuşoğlu Bakıda ümummilli lider Heydər Əliyev və görkəmli oftolmoloq alim, akademik Zərifə Əliyevanın məzarlarını ziyarət edərək, əklil qoyublar.

Daha sonra türkiyəli qonaqlar Şəhidlər Xiyabanını və Türk Şəhidliyini ziyarət edib.

Mövlud Çavuşoğlu Türk Şəhidliyindəki xatirə dəftərini imzalayıb.

O, Qafqaz İslam Ordusunun tərkibində Azərbaycanın azadlığı uğrunda şəhid olmuş türk əsgərləri ilə qürur duyduğunu vurğulayaraq, onları Türkiyə ilə Azərbaycan arasında birlik və əlaqələrin qurulumasının memarı adlandırıb: "Qafqaz İslam Ordusunun şəhidləri başda olmaqla Türkiyə və Azərbaycan şəhidlərini, hər iki ölkənin müstəqilliyi uğrunda mübarizədə fədakarlıqlarını əsirgəməyn qəhrəmanlarımızı rəhmət və minnətdarlıqla anıram".

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi