Moldovanın xarici işlər və Avropa inteqrasiyası naziri Azərbaycana səfər edəcək

Bakı. 5 sentyabr. REPORT.AZ/ Moldova baş nazirinin müavini, xarici işlər və Avropa inteqrasiyası naziri xanım Qerman Azərbaycanda rəsmi səfərdə olacaq. Azərbaycan Xarici İşlər Nazirliyindən Report-a verilən məlumata görə, 7-9 sentyabr tarixlərində baş tutacaq səfər çərçivəsində Natalia Qermanın Azərbaycanın xarici işlər naziri Elmar Məmmədyarovla görüşü nəzərdə tutulub. Görüşdə Azərbaycanla Moldova arasında mövcud əlaqələrin inkişaf perspektivləri müzakirə olunacaq.