Yuxarı
    Bağlamaq

    ​Moldova ictimaiyyəti Bakıdakı yanğın nəticəsində ölənlərin xatirəsini yad edib

    Azərbaycanın Moldovadakı səfirliyi önündə şamlar yandırılıb, gül dəstələri qoyulub

    Bakı. 22 may. REPORT.AZ/ Moldova ictimaiyyətinin nümayəndələri Bakıdakı yanğın nəticəsində ölənlərin xatirəsini yad edib.

    Azərbaycanın Kişinyovdakı səfirliyinin mətbuat xidmətindən "Report"a bildiriblər ki, mayın 21-də Azərbaycanın Moldovadakı diplomatik missiyasının yerləşdiyi binanın qarşısına bu ölkənin ictimaiyyət nümayəndələri toplaşıblar.

    Faciə qurbanlarının xatirəsini yad edənlər arasında Moldovanın Azərbaycandakı keçmiş səfiri İon Robu və onun həyat yoldaşı, bu ölkənin keçmiş ombudsmanı, hazırda İctimai Palatanın rəhbəri Aureliya Qriqoriu, "DAAC Germes" şirkətinin nümayəndələri, Moldova İctimai Palatasının fəalları, ölkənin elm və mədəniyyət xadimləri də olublar.

    Tədbir iştirakçıları səfirə və səfirliyin əməkdaşlarına başsağlığı veriblər, səfirliyin binası önündə şamlar yandırıb, gül dəstələri qoyublar.

    Mətbuat xidmətindən verilən məlumata görə, Moldovanın rəsmi şəxsləri və sadə vətəndaşları səfirliyə Azərbaycan xalqına başsağlığı ilə bağlı zəng etməkdə davam edirlər. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi