Yuxarı

Möhsün Pakayin: "Ermənistan üçün viza rejiminin aradan qaldırılması gündəmdə deyil"

İran hər zaman Azərbaycanın yanında olub və bu məsələdə ölkənin mövqeyi dəyişməyib

Bakı. 2 iyun. REPORT.AZ/ "Ermənistan üçün viza rejiminin aradan qaldırılması gündəmdə deyil".

"Report" xəbər verir ki, bunu İranın Azərbaycandakı səfiri Möhsün Pakayin Ermənistan KİV-ində İranın viza rejimini ləğv edəcəyi ilə bağlı yayılan xəbərlərə münasibət bildirərkən deyib.

Dağlıq Qarabağda baş verən son hadisələr haqqında danışan səfir bildirib ki, İran hər zaman Azərbaycanın yanında olub və bu məsələdə ölkənin mövqeyi dəyişməyib.

"Münaqişənin beynəlxalq standartlara uyğun olaraq Azərbaycanın ərazi bütövlüyü çərçivəsində həll olunacağına ümid edirik. İki ölkə arasında başlanan dialoqun xalqların xeyrinə bəhrə verəcəyinə ümidvarıq", - deyə, o vurğulayıb.

O, həmçinin BMT Təhlükəsizlik Şurasının daimi üzvü olan ATƏT-in Minsk qrupunun həmsədrlərini BMT qətnamələrinin yerinə yetirlməsi üçün daha çox səy göstərməyə çağırıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi