Milli Məclisin deputatı NATO PA-nın payız sessiyasında iştirak edəcək

Bakı. 14 noyabr. REPORT.AZ/ Kanadanın Halifaks şəhərində noyabrın 16-da NATO Parlament Assambleyasının payız sessiyası başlayacaq.

Milli Məclisinin mətbuat xidmətindən "Report"a verilən məlumata görə, Azərbaycan parlamentinin deputatı Məlahət İbrahimqızı iclasda iştirak edəcək.

Sessiyanın komitə iclaslarında Qara dəniz bölgəsində Demokratiya və İnsan Hüquqlarının təşviqi, Rusiyanın hibrid təhdidlərinə qarşı tədbirlər, NATO-nun yürütdüyü Şərqdə qarşıalma siyasətinin gücləndirilməsi, Kosmik sənayesinin gələcəyi, Mərkəzi və Şərqi Avropada enerji təhlükəsizliyi çağırışı, Cənubda qeyri-sabitlik, Qərbi Balkanlarda təhlükəsizlik, Qaranlıq əlaqələr: terroristlərin şifrəli mesajlaşma, qara veb və rəqəmsal valyutalardan istifadəsi və digər mövzularda müzakirələr aparılacaq.

NATO Parlament Assambleyasının payız sessiyası noyabrın 19-da başa çatacaq.