Yuxarı

Məmmədyarov: "Bakı və Moskva arasında qaz alışıyla bağlı danışıqlarda siyasi çalar yoxdur"

SOCAR və Qazprom arasında əlaqələr müntəzəm olaraq həyata keçirilir. Qiymətlər haqqında müzakirələr olur, parametrlər razılaşdırılır

Bakı. 18 mart. REPORT.AZ/ "Bakı və Moskva arasında qaz alışıyla bağlı danışıqlarda siyasi çalar yoxdur".

"Report" xəbər verir ki, bunu Azərbaycan xarici işlər naziri Elmar Məmmədyarov 3 milyard kubmetr həcmində qazın alışı məsələsində Rusiya və Azərbaycanın hələ də razılaşa bilməməsi ilə bağlı sualı cavablandırarkən "Kommersant" qəzetinə müsahibəsində deyib.

"Belə düşünmək pişiyin olmadığını bilə-bilə qaranlıq otaqda onu axtarmağa bənzəyir. Bildiyim qədər, SOCAR və "Qazprom" arasında əlaqələr müntəzəm olaraq həyata keçirilir. Qiymətlər haqqında müzakirələr olur, parametrlər razılaşdırılır. Hər iki dövlət şirkəti optimal mənfəət axtarır və bu, normal prosesdir. Təchizatın həcmi ilə bağlı məsələ isə həqiqətən mövcuddur", - deyə XİN başçısı bildirib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi