Yuxarı
    Bağlamaq

    Meksikanın səfiri və SOCAR-ın vitse-prezidenti neft sahəsində əməkdaşlığı müzakirə edib

    Tərəflər Meksika və Azərbaycan neft şirkətləri arasında mümkün əməkdalığa dair qarşılıqlı marağı ifadə edib

    Bakı. 10 noyabr. REPORT.AZ/ Meksikanın Azərbaycandakı səfiri Rodriqo Labardini noyabrın 10-da Azərbaycan Respublikası Dövlət Neft Şirkətinin (SOCAR) Sərmayələr və Marketinq üzrə vitse-prezidenti Elşad Nəsirov ilə görüşüb.

    Meksikanın Azərbaycandakı səfirliyindən "Report"a verilən məlumata görə, neft sahəsində ikitərəfli əlaqələrin inkişafı məqsədilə baş tutan görüşdə ölkələr arasındakı münasibətlərdən, milli mədəniyyətlərdə olan oxşarlıqlardan söz açılıb. Qeyd edilib ki, neft-qaz sahəsində təcrübə mübadiləsi həm onun inkişafına, həm də iki ölkənin rifahına xidmət edəcək.

    Vitse-prezident E.Nəsirov şirkətin fəaliyyəti, xarici ölkələrdə reallaşdırdığı layihə və sərmayələr barədə məlumat verib. Eyni zamanda Azərbaycanda neft hasilatının tarixinə də toxunulub.

    Tərəflər Meksika (Pemex) və Azərbaycanın (SOCAR) neft şirkətləri arasında mümkün əməkdaşlığa dair qarşılıqlı marağı ifadə edib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi