Yuxarı
    Bağlamaq

    Meksika səfiri Naftalan şəhərində səfərdə olub

    Qeyd olunub ki, şəhərin sanatoriyaları çoxsaylı xarici turistləri cəlb edir

    Bakı. 12 iyun. REPORT.AZ/ Meksikanın Azərbaycandakı səfiri Rodriqo Labardini iyunun 12-də əməkdaşlıq imkanlarını tanımaq və ikitərəfli əlaqələri inkişaf etdirmək məqsədi ilə Naftalan şəhərinə səfər edib. 

    Səfirlikdən "Report"a verilən məlumata görə, səfər çərçivəsində Naftalan Şəhər İcra Hakimiyyətinin başçısı Natiq Aslanovla görüş olub. N.Aslanov Naftalan barədə məlumat verərək, onun tibbi turizm sahəsindəki böyük potensialına toxunub. Qeyd olunub ki, şəhərin sanatoriyaları çoxsaylı xarici turistləri cəlb edir.

    Səfir R.Labardini ikitərəfli münasibətlərin inkişafı və müxtəlif sahələr üzrə geniş əməkdaşlıq imkanlarından danışıb. O, dünyanın ən çox ziyarət olunan 9 ölkədən biri olan Meksikadakı turizmin daimi artımından söz açaraq, romantik turizm, ekoloji turizm, lüks-turizm, tibbi turizm və s. imkanlarına görə dünyada məşhur olan Meksikanın şəhər və regionaların adını vurğulayıb. 

    Tərəflər bu baxımdan adıçəkilən sektorun inkişafına töhfə verəcək təcrübə mübadiləsinin reallaşmasını məqsədyönlü sayıb, əməkdaşlıq əlaqələrinin güclənməsinə və inkişafına dair istəklərini ifadə ediblər.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi