MDB ölkələrinin daxili işlər nazirləri kibercinayətkarlıqla mübarizə məsələsini müzakirə edib

Bakı. 3 sentyabr. REPORT.AZ/ Belarusun paytaxtı Minsk şəhərində Müstəqil Dövlətlər Birliyi (MDB) ölkələrinin daxili işlər nazirləri şurasının növbəti iclası keçirilib.  

İclasın işində Azərbaycan DİN rəhbəri Ramil Usubov iştirak edib.

"Report" BelTA-ya istinadən xəbər verir ki, Belarusun daxili işlər naziri İqor Şuneviç iclasın yekununda bildirib ki, MDB DİN Şurası effektiv qurumdur və öz bəhrəsini verir: "İclasda bir sıra ikitərəfli müqavilələr imzalanıb, eləcə də yaxın zamanlarda icra olunacaq 7 qərar qəbul edilib", - İ.Şuneviç deyib. 

Öz növbəsində Rusiya DİN rəhbəri Vladimir Kolokoltsev qeyd edib ki, iclasda əsasən kibercinayətkarlıqla mübarizə məsələsi müzakirə olunub. O vurğulayıb ki, MDB-yə üzv dövlətlər bu hal ilə birgə mübarizə aparmalıdır.