Martinikalı deputat: "Fransa qadın və uşaqlarımızı kimyəvi maddələrlə zəhərləyib"

"Fransa qadın və uşaqlarımızı klordekon maddəsi ilə zəhərləyib".

"Report" xəbər verir ki, bunu Fransa Milli Assambleyasının üzvü, Martinika nümayəndəsi Marsellen Nado noyabrın 21-də Bakı Təşəbbüs Qrupunun təşkilatçılığı ilə həyata keçirilən "Dekolonizasiya: Qadınların gücləndirilməsi və inkişafı" mövzusunda konfransda deyib.

O, Fransanın Martinika regionunu müstəmləkəyə çevirdiyini bildirib: "Xalqımızı klordekon maddəsi ilə zəhərləyiblər. Bunun da qadın və uşaqlarımız üçün hansı nəticələr yaradacağını bilmirik. Bizim ölkələr Fransa üçün hansı maraq kəsb edir? Çünki ölkələrimizin problemlərinə etinasızlıqla yanaşırlar. Mən siyasi partiyanın üzvüyəm və biz gənclərdən ibarətik. Fransa konstitusiyası bizi xalq kimi tanımır və mən bir deputat kimi əsas qanuna dəyişiklik olunmasını təklif etmişəm. Fransa bizə münasibətində dəyişiklik etməlidir".