Bakı. 26 aprel. REPORT.AZ/ Maltanın prezidenti xanım Marie Louise Coleiro Preca aprelin 25-də Azərbaycana işgüzar səfərə gəlib.
"Report" xəbər verir ki, hər iki ölkənin dövlət bayraqlarının dalğalandığı Heydər Əliyev Beynəlxalq Aeroportunda ali qonağın şərəfinə fəxri qarovul dəstəsi düzülüb.
Xanım Marie Louise Coleiro Precanı hava limanında baş nazirin müavini Elçin Əfəndiyev və digər rəsmi şəxslər qarşılayıb.