Bakı. 20 oktyabr. REPORT.AZ/ Oktyabr ayının 21-də Litvanın xarici işlər naziri Linas Linkyaviçus Azərbaycana səfərə gələcək. Bu barədə "Report" Litvanın Azərbaycandakı səfirliyinə istinadən xəbər verir.
İkigünlük səfər çərçivəsində Litvanın XİN rəhbərinin Azərbaycanın prezidenti İlham Əliyev və xarici işlər naziri Elmar Məmmədyarovla görüşü nəzərdə tutulub.
Oktyabr ayının 22-də nazir Bakıda iqtisadi əməkdaşlıq üzrə Azərbaycan-Litva dövlətlərarası komissiyanın iclasının işində iştirak edəcək.
Elə həmin gün Azərbaycanın paytaxtında iki ölkənin işgüzar dairələrin nümayəndələrinin iştirakı ilə biznes-forum keçiriləcək.