Lidinqton: "Böyük Britaniya və Azərbaycan arasında möhkəm ikitərəfli əlaqələr var"

Bakı. 12 fevral. REPORT.AZ/ Azərbaycan xarici işlər nazirinin müavini Xələf Xələfov Londonda Böyük Britaniyanın Avropa məsələləri üzrə naziri Devid Lidinqtonla görüş keçirib.

Böyük Britaniyanın Azərbaycandakı səfirliyindən "Report"a verilən məlumata görə, görüş zamanı tərəflər geniş əhatəli məsələləri, o cümlədən "Şərq Tərəfdaşlığı" proqramını, Suriya və Ukraynadakı vəziyyəti, Dağlıq Qarabağ münaqişəsini müzakirə edib. Həmçinin, insan hüquqları və idarəetmə məsələləri üzrə dialoq da aparılıb.

Görüşdə D.Lidinqton Böyük Britaniya və Azərbaycan arasında möhkəm ikitərəfli əlaqələrin olduğunu bəyan edib.