Leonid Kuçma: "Azərbaycan Xalq Cümhuriyyətinin yaradılması bütün qitə üçün böyük tarixi hadisə olub"

Leonid Kuçma: "Azərbaycan Xalq Cümhuriyyətinin yaradılması bütün qitə üçün böyük tarixi hadisə olub" Bakı. 1 iyun. REPORT.AZ/ Ukraynanın keçmiş prezidenti Leonid Kuçma Azərbaycan Prezidenti İlham Əliyevə təbrik məktubu göndərib.
Xarici siyasət
1 İyun , 2018 15:11
Leonid Kuçma: Azərbaycan Xalq Cümhuriyyətinin yaradılması bütün qitə üçün böyük tarixi hadisə olub
0 : 00
0 : 00

Bakı. 1 iyun. REPORT.AZ/ Ukraynanın keçmiş prezidenti Leonid Kuçma Azərbaycan Prezidenti İlham Əliyevə təbrik məktubu göndərib. 

"Report" xəbər verir ki, məktubda deyilir: 

"Əziz İlham Heydər oğlu.

Azərbaycan Xalq Cümhuriyyətinin elan edilməsinin 100 illiyi münasibətilə səmimi təbriklərimi qəbul edin.

Azərbaycan Xalq Cümhuriyyətinin yaradılması təkcə Azərbaycan xalqı üçün deyil, bütün qitə üçün böyük tarixi hadisə olub.

Baş verənlərin bütün dramatizminə baxmayaraq, Azərbaycan xalqı öz gələcəyi üçün məsuliyyəti cəsarətlə və qətiyyətlə üzərinə götürdü.

Məhz həmin dövrdə Kiyev və Bakı Ukrayna-Azərbaycan dövlətlərarası münasibətlərinin əsasını qoyublar. Ukrayna və Azərbaycan xalqları illər boyu dostluq və əməkdaşlıq edib, indiki nəsillər bu xeyirxah ənənəni davam etdirirlər.

Azərbaycan Xalq Cümhuriyyəti müasir Azərbaycanın müjdəçisi və təməli olub. 1991-ci ildə öz müstəqilliyini bərpa edən Azərbaycan indi uğurlu, güclü və firavan dövlətdir.

Azərbaycanın inkişafına Sizin şəxsi töhfənizi xüsusi qeyd etmək istəyirəm. İqtisadiyyatın artımı, vətəndaş həmrəyliyi, beynəlxalq arenada ölkənizin nüfuzu – bütün bunlar müdrik və ardıcıl milli lider kimi Sizin siyasətinizin nəticəsidir.

İlham Heydər oğlu, Sizə möhkəm cansağlığı və işlərinizdə uğurlar, Azərbaycan xalqına sülh və firavanlıq arzu edirəm".

Son xəbərlər

Orphus sistemi