Yuxarı
    Bağlamaq

    Latviyanın sabiq prezidenti: "Azərbaycan çox qeyri-sabit regionda sabitliyini qorumağı bacarıb"

    IV Qlobal Bakı Forumu gənc liderlərin çıxışı üçün yaxşı platformadır

    Bakı. 11 mart. REPORT.AZ/ "Azərbaycan çox qeyri-sabit regionda sabitliyini qorumağı bacaran geostrateji baxımdan mühüm ölkədir".

    Bunu "Report"a açıqlamasında Latviyanın sabiq prezidenti, Nizami Gəncəvi Mərkəzinin həmsədri Vayra Vike-Freyberqa bildirib.

    O, həmçinin əsasən müsəlman əhalinin yaşadığı Azərbaycanın tolerantlıq siyasətini ölkənin gündəlik həyatının mühüm hissəsinə çevirməyi bacardığını qeyd edib. Xanım Vike-Freyberqanın sözlərinə görə, digər müsəlman ölkələrdən fərqli olaraq, Azərbaycanda qadınlar daha sərbəstdirlər.

    IV Qlobal Bakı Forumunun yekunlarını dəyərləndirən Nizami Gəncəvi Mərkəzinin həmsədri bildirib ki, Forum gənc liderlərin çıxışı, eləcə də dünyanın daha da yaxşılaşdırılmasına qatqı vermək üçün əhəmiyyətli məsələlərin müzakirəsi üçün yaxşı platformadır.

    O, forumda səsləndirilən fikirlərin bütün dünyaya çatdırılacağına əmin olduğunu ifadə edib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi