Yuxarı
    Bağlamaq

    Latviya prezidenti V Qlobal Bakı Forumunda iştirak etmək üçün dəvət alıb

    Raymonds Veyonis Nizami Gəncəvi Beynəlxalq Mərkəzi İdarə Heyətinin üzvlərini qəbul edib

    Bakı. 2 sentyabr. REPORT.AZ/ Latviya prezidenti Raymonds Veyonis Nizami Gəncəvi Beynəlxalq Mərkəzi İdarə Heyətinin üzvlərini qəbul edib.

    Azərbaycanın Latviyadakı səfirliyindən "Report"a verilən məlumata görə, görüşdə mərkəzin həmsədrləri - Latviyanın sabiq Prezidenti Vayra Vike-Freyberqa, İsgəndəriyyə Kitabxanasının direktoru İsmail Serageldin və Mərkəzin İdarə Heyətinin üzvü, Diasporla İş üzrə Dövlət Komitəsinin sədri Nazim İbrahimov iştirak ediblər.

    Nümayəndə heyətinin üzvləri Latviya prezidentinə Qlobal Bakı Forumu barədə məlumat verib və prezident R.Veyonisə 2017-ci ildə keçiriləcək V Qlobal Bakı Forumuna dəvətini çatdırıblar. 

    Latviya prezidenti Nizami Gəncəvi Beynəlxalq Mərkəzinin fəaliyyəti barədə məlumatların böyük maraq doğurduğunu vurğulayıb.

    Görüşdə Latviyadakı Azərbaycan diasporuna göstərilən diqqət, qayğı və dəstəyə görə Latviya prezidentinə və hökumətinə minnətdarlıq ifadə olunub.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi