Yuxarı
    Bağlamaq

    ​Küveytdə Azərbaycan, Türkiyə və Türkmənistan XİN başçılarının üçtərəfli görüşü keçirilib

    Üçtərəfli əməkdaşlığın gündəliyində duran aktual məsələlər ətrafında fikir mübadiləsi aparılıb

    Bakı. 27 may. REPORT.AZ/ Küveytdə Azərbaycan, Türkiyə və Türkmənistan xarici işlər nazirlərinin üçtərəfli görüşü keçirilib. Bu barədə "Report"a Azərbaycan Xarici İşlər Nazirliyinin mətbuat xidmətindən məlumat verilib.

    Elmar Məmmədyarov, Mövlud Çavuşoğlu və Rəşid Meredovun görüşü İslam Əməkdaşlıq Təşkilatının Xarici İşlər Nazirləri Şurasının mayın 27-28-də Küveytdə keçirilən 42-ci toplantısı çərçivəsində baş tutub.

    Görüşdə Azərbaycan, Türkmənistan və Türkiyə xarici işlər nazirlərinin üçtərəfli görüşünün regional əməkdaşlığın inkişaf etdirilməsi baxımdan əhəmiyyəti vurğulanıb.

    Bu il yanvarın 29-da Aşqabadda keçirilmiş üçtərəfli görüşdə əməkdaşlığın siyasi, iqtisadi, enerji, nəqliyyat və humanitar sahələrdə inkişafına dair ətraflı müzakirələrin aparıldığı qeyd olunub.

    Üçtərəfli əməkdaşlığın gündəliyində duran aktual məsələlər ətrafında fikir mübadiləsi aparılıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi