Yuxarı
    Bağlamaq

    Köln şəhərində Azərbaycan vətəndaşları üçün səyyar konsulluq qəbulu təşkil olunub

    Azərbaycan icmasının üzvləri ilə görüşdə səfirliyin diasporla əməkdaşlığı məsələlərinə toxunulub

    Bakı. 4 iyul. REPORT.AZ/ Azərbaycanın Almaniyadakı səfirliyi tərəfindən Köln şəhərində Azərbaycan Respublikası vətəndaşları üçün səyyar konsulluq qəbulu təşkil edilib. 

    "Report"a səfirlikdən verilən məlumata görə, qəbul zamanı səfirliyin əməkdaşları tərəfindən vətəndaşlarımıza konsulluq-hüquq sahəsində məsləhətlər verilib, onları maraqlandıran suallar cavablandırılıb, sənədləri qəbul edilib və səfirliyin konsulluq şöbəsində göstərilən xidmətlər barədə ətraflı məlumatlar diqqətə çatdırılıb.

    Həmin gün Şimali Reyn-Vestfaliya federal əyalətində fəaliyyət göstərən Azərbaycan diaspor təşkilatlarının rəhbərləri və fəalları ilə görüş keçirilib. Görüş zamanı Almaniyadakı Azərbaycan diaspor təşkilatlarının fəaliyyətinə nəzər salınıb, qarşıda duran işlərdən danışılıb, fəaliyyətin təkmilləşdirilməsi və səmərəliliyinin artırılması üçün təkliflər səsləndirilib, eləcə də səfirliyin diasporla əməkdaşlığı məsələlərinə toxunulub.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi