Yuxarı
    Bağlamaq

    İtaliyanın Azərbaycandakı yeni səfiri Bakıya avqustun ortalarında gələcək

    Auqusto Massari etimadnaməsini Azərbaycan Prezidentinə təqdim etdikdən sonra fəaliyyətə başlayacaq

    Bakı. 3 iyul. REPORT.AZ/ İtaliyanın Azərbaycandakı yeni səfiri Auqusto Massari Bakıya avqustun ortalarında gələcək.

    Bu barədə "Report"a İtaliyanın Azərbaycandakı səfirliyindən bildiriblər.

    Yeni səfir etimadnaməsini Azərbaycan Prezidenti İlham Əliyevə təqdim etdikdən sonra fəaliyyətə başlayacaq.

    O, bu vəzifədədə 2013-ci ildən İtaliyanın Bakıdakı diplomatik missiyasına rəhbərlik edən Campaolo Kutilyonu əvəz edəcək. Diplomat fəaliyyətini İtaliyanın Xarici İşlər Nazirliyinin şöbələrinin birində davam etdirəcək.

    Qeyd edək ki, A.Massari İtaliya XİN-də 1998-ci ildən işləyir. Azərbaycana səfir təyin olunmamışdan əvvəl İtaliyanın Pekindəki səfirliyində çalışıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi