İtaliyanın Azərbaycandakı səfirliyində dövlət bayrağı endirilib

Bakı. 25 avqust. REPORT.AZ/ İtaliyada baş verən güclü zəlzələ nəticəsində həlak olanların xatirəsinə bu ölkənin Azərbaycandakı səfirliyində dövlət bayrağı endirilib.

Bu barədə "Report"a İtaliyanın Azərbaycandakı səfirliyindən məlumat verilib.

Səfirlikdən diplomatik missiyada xatirə kitabının açılıb-açılmayacağı barədə hələlik heç bir təlimat gəlmədiyini bildiriblər.

Xatırladaq ki, zəlzələ nəticəsində İtaliyanın mərkəzində yerləşən bir çox şəhərlərə ciddi ziyan dəyib, azı 247 nəfər ölüb, 300-dən çox insan xəsarət alıb.