Bakı. 29 yanvar. REPORT.AZ/ İtaliyanın Azərbaycandakı səfirliyində Şengen vizasının alınmasında yeni prosedur qaydalar qüvvəyə minib.
"Report" İtaliyanın Bakıdakı səfirliyinin mətbuat xidmətinə istinadən xəbər verir ki, yanvarın 29-dan yeni Viza informasiya sistemi qüvvəyə minir. Bu sistem Şengen ölkələrinə bu zonaya daxil olmaq üçün verilən vizalar haqqında məlumat əldə etmək imkanı verəcək. Yeni sistemə uyğun olaraq, ilk dəfə Şengen vizası alanlar sənədlər təqdim olunarkən, biometrik məlumatları toplamaq, şəkil çəkdirmək və barmaq izlərinin götürülməsi məqsədilə şəxsən iştirak etməlidir. 12 yaşına kimi uşaqlardan barmaq izləri götürülməyəcək.