Yuxarı
    Bağlamaq

    ​İstanbulda İƏT-in Zirvə toplantısı başlayıb - YENİLƏNİB

    Sammitin yekununda İstanbul bəyannaməsinin imzalanacağı gözlənilir

    Bakı. 14 aprel. REPORT.AZ/ İstanbulda İslam Əməkdaşlıq Təşkilatının 13-cü Zirvə toplantısının plenar iclası başlayıb. 

    "Report" xəbər verir ki, iclası Misirin Xarici İşlər Naziri açıb.

    İclas başlamazdan əvvəl 57 ölkənin dövlət və hökumət başçıları ailə fotosu çəkdirib.

    *** 10:12

    Bakı. 14 aprel. REPORT.AZ/ İstanbulda İslam Əməkdaşlıq Təşkilatının (İƏT) 13-cü Zirvə toplantısı başlayıb.

    "Report" xəbər verir ki, hazırda Türkiyə Prezidenti sammit iştirakçılarını qarşılayır. Qarşılanma təxminən saatyarım çəkəcək.

    Sammitin plenar iclası isə Qurani-Kərimin oxunması ilə açılacaq.

    Sammitin gedişində "Ədalət və sülh üçün birlik və həmrəylik" mövzusunda Fələstin məsələsi, Suriya, Yəmən, Liviya, Əfqanıstan, Somali, Mali, Cammu və Kəşmir, Bosniya-Herseqovinadakı vəziyyət, eləcə də Ermənistanın Azərbaycana qarşı təcavüzü kontekstində Dağlıq Qarabağ münaqişəsi müzakirə olunacaq.

    Sammitin yekununda İstanbul bəyannaməsinin imzalanacağı, eləcə də strukturun beynəlxalq arenada siyasi prioritetlərini müəyyən edəcək bir sıra qətnamələrin qəbul ediləcəyi gözlənilir.

    İƏT üzvü olan dövlətlərin birinci xanımları sammit çərçivəsində "İƏT-ə üzv dövlətlərdə xərçəng xəstəliyinə qarşı mübarizədə birinci xanımların liderliyi" mövzusunda xüsusi iclas keçirəcək.

    Sammitin ardından İƏT ölkələrin xarici işlər nazirlərinin və yüksək vəzifəli şəxslərin görüşü keçiriləcək və onlar yekun kommünikeni və İstanbul bəyannaməsini hazırlayacaq.

    Qeyd edək ki, sammitdə Azərbaycanın işğal altında olan Dağlıq Qarabağ bölgəsindəki münaqişə ilə bağlı "Təmas qrupu"nun təsdiqlənəcəyi gözlənilir.

    Xatırladaq ki, zirvə toplantısında Azərbaycan Prezidenti İlham Əliyev də iştirak edir. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi