Yuxarı

İsrail səfiri Tovuz və Şəmkir rayonlarına səfər edib

Səfir bu rayonlarla xüsusilə kənd təsərrüfatı və ekoturizm sahəsində əlaqələrin möhkəmləndirilməsində maraqlı olduğunu bildirib

Bakı. 22 dekabr. REPORT.AZ/ İsrailin Azərbaycandakı səfiri Dan Stav Tovuz və Şəmkir rayonlarına səfər edərək Azərbaycanın qərb bölgəsinə səfərini başa vurub.

İsrailin Azərbaycandakı səfirliyindən "Report"a verilən məlumata görə, D.Stav Tovuz Rayon İcra Hakimiyyətinin başçısının müavini Mahir Həsənov və Şəmkir Rayon İcra Hakimiyyətinin başçısı Alimpaşa Məmmədovla görüşüb.

D.Stav səfirliyin bu rayonlarla xüsusilə kənd təsərrüfatı və ekoturizm sahəsində əlaqələrin möhkəmləndirilməsində maraqlı olduğunu bildirib.

Səfir İsrail şirkətlərilə Tovuz və Şəmkir rayonlarından olan iş adamları arasında əlaqələrin qurulmasında səfirliyin rolunu qeyd edib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi