Yuxarı

İspaniya XİN başçısı: “Terrora daha çox müsəlman dövlətləri məruz qalır”

“Terror İslam dini ilə əlaqələndirilməməlidir”

Bakı. 26 aprel. REPORT.AZ/ “Terrorla bağlı risklərlərin qarşısını almalıyıq. Terror heç bir vəchlə İslam dini ilə əlaqələndirilməməlidir. Çünki terrora daha çox müsəlman dövlətləri məruz qalır”.

“Report”un xəbərinə görə, bunu Birləşmiş Millətlər Təşkilatının Sivilizasiyalar Alyansının VII Qlobal Bakı Forumunun rəsmi açılış mərasimindəki çıxışında İspaniyanın xarici işlər naziri Xose Manuel Qarsia-Marqalyo (José Manuel García-Margallo) deyib.

O bildirib ki, hər kəs insan hüquqlarının təmin edilməsinə töhfəsini verməlidir: “Bu istiqamətdə müxtəlif işlər görülür, biz bunun şahidiyik. Dialoq olması münaqişələrə son qoya bilər. İspaniya terrora qarşı qətiyyətlə mübarizə aparır. İnkluziv cəmiyyətin formalaşmasına səy göstərməliyik. Əks halda, ksenofobiya güclənəcək, bu da təhlükəlidir. İnsanları maarifləndirmək lazımdır ki, terror qruplarına qoşulmasınlar”.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi