İraqın Bakıdakı səfirliyində Bağdadda törədilmiş terror ilə əlaqədar xatirə kitabı açılıb

Bakı. 4 iyul. REPORT.AZ/ Bağdadda törədilmiş terror hücumu ilə əlaqədar olaraq, İraqın Azərbaycandakı səfirliyində xatirə kitabı açılıb.

Səfirlikdən "Report"a verilən xəbərə görə, xatirə kitabı bu gün saat 17:00-a qədər açıq olacaq.

Bundan əlavə, matəm əlaməti olaraq səfirlikdə dövlət bayrağı aşağı salınıb.

Xatırladaq ki, iyulun 3-də İŞİD terror qruplaşmasının Bağdadda törətdiyi terror aktları nəticəsində 170-dən çox adam həlak olub.