Yuxarı
    Bağlamaq

    İran və Azərbaycan sərhədyanı bölgələrinin əməkdaşlığı müzakirə edilib

    Azərbaycanın Təbrizdəki baş konsulu Ərdəbil vilayətinə səfər edib

    Bakı. 18 yanvar. REPORT.AZ/Azərbaycan Respublikasının Təbrizdəki baş konsulu Əli Əlizadə yanvarın 18-də İran İslam Respublikasının Ərdəbil vilayətinə səfər edib. Ərdəbil Vilayətinin valisi Məcid Xudabəxş ilə keçirilən görüşdə İranın bu vilayəti ilə sərhəd bölgədə yerləşən Azərbaycan rayonları arasındakı iqtisadi və ticarət əlaqələrinin inkişaf perspektivləri müzakirə edilib.

    Söhbət zamanı əməkdaşlıq əlaqələrinin genişləndirilməsi ilə yanaşı, Ərdəbil valisinin Azərbaycana səfəri də nəzərdən keçirilib və qarşılıqlı maraq doğuran məsələlər ətrafında fikir mübadiləsi aparılıb.

    Səfər çərçivəsində baş konsul Ərdəbil Ticarət Palatasının dəvəti ilə vilayətin iş adamları ilə də görüşüb. Görüşdə iqtisadi əlaqələrin daha da genişləndirilməsi məsələlərindən söhbət açılıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi