Gürcüstan televiziyasında azərbaycanlıların soyqırımına həsr olunmuş veriliş yayımlanıb

Tbilisi. 8 aprel. REPORT.AZ/ Gürcüstanda yayımlanan “Axali Sakartvelo” internet televiziyasında 31 mart - Azərbaycanlıların Soyqırımı Gününə həsr olunmuş veriliş yayımlanıb.

“Report”un Gürcüstan bürosu xəbər verir ki, “Bakıdan baxış” proqramında tanınmış gürcü politoloqu, “Terrorizm və siyasi araşdırmalar mərkəzi”nin rəhbəri Badri Naçkebiya, jurnalist Amil Hacıyev azərbaycanlıların soyqırımı, ermənilərin zaman-zaman azərbaycanlılara, türklərə, gürcülərə, yəhudilərə və digər xalqlara qarşı törətdikləri terror və digər cinayətləri barədə tamaşaçılara ətraflı məlumat veriblər.

Verilişdə Azərbaycanın və Gürcüstanın dostluq əlaqələri, iqtisadi inkişaf və inteqrasiya məsələləri də diqqət mərkəzində olub.