Gürcüstan Azərbaycanda olan 20 vətəndaşına kömək göstərib

“Koronavirus epidemiyası ilə bağlı yaranmış vəziyyətlə əlaqədar olaraq Azərbaycanda olan 20 vətəndaşımız Gürcüstandan müvafiq kömək alıb”.

“Report”un yerli bürosu xəbər verir ki, bu barədə Gürcüstanın xarici işlər naziri David Zalkaliani bildirib.

Nazirin sözlərinə görə, 40-dan çox ölkədə ümumilikdə 2 425 Gürcüstan vətəndaşına müvafiq yardım göstərilib.

O qeyd edib ki, bu köməkliyə yaşayış yeri, qida, nəqliyyat, medikamentlərlə təminat və onlayn konsultasiyalar daxildir.