Yuxarı

Həsən Ruhani müqəddəs Ramazan bayramı münasibətilə Azərbaycan xalqını təbrik edib

İran və Azərbaycan prezidentləri arasında telefon danışığı olub

Bakı. 5 iyul. REPORT.AZ/ İran İslam Respublikasının prezidenti Həsən Ruhani bu gün Azərbaycan Prezidenti İlham Əliyevə telefonla zəng edib.

“Report” xəbər verir ki, bu barədə Prezidentin mətbuat xidməti məlumat yayıb. 

H.Ruhani müqəddəs Ramazan bayramı münasibətilə dövlət başçısını təbrik edib, Azərbaycan xalqına rifah və əmin-amanlıq arzularını çatdırıb.

Prezident İlham Əliyev göstərilən diqqətə və təbrikə görə minnətdarlıq edərək, öz növbəsində Ramazan bayramı ilə əlaqədar İran İslam Respublikasının prezidentini təbrik edib, İran xalqına tərəqqi və firavanlıq arzulayıb.

Dövlət başçısı İran İslam Respublikası prezidentinin gələn ay Azərbaycana gözlənilən səfərinin ölkələr arasında ikitərəfli münasibətlərin daha da inkişaf etməsi işinə təkan verəcəyinə ümidvar olduğunu bildirib.

Azərbaycan və İran prezidentləri ölkələr arasında dostluq münasibətlərinin uğurlu inkişafından məmnunluq ifadə edib, əlaqələrin bundan sonra da möhkəmlənəcəyinə əmin olduqlarını bildiriblər.

Telefon söhbəti zamanı iki ölkə arasında siyasi, iqtisadi, nəqliyyat, energetika, Xəzər dənizində birgə əməkdaşlığın gələcəyi ilə bağlı fikir mübadiləsi aparılıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi