Yuxarı
    Bağlamaq

    Fuad Axundov Ararat dağının "ermənilərin mədəni irsi" kimi YUNESKO-nun siyahısına salınması təklifini şərh edib

    Prezident Administrasiyasının sektor müdiri erməni deputatının təklifinin absurd olduğunu deyib

    Bakı. 26 dekabr. REPORT.AZ/ Azərbaycan Prezident Administrasiyasının sektor müdiri Fuad Axundov erməni parlamentinin deputatı Zarui Postandjyanın Ağrı (Ararat) dağın "ermənilərin qeyri-maddi mədəni irsi" kimi YUNESKO-nun siyahısına salınması təklifini şərh edib.

    "Report"un xəbərinə görə, F.Axundov qeyd edib ki, erməni deputatı Z.Postandjyanın təklifi Bakıda "unikal elmi texnologiya - erməni tarixinin "yalan detektoru"ndan ibarət olan növbəti layihənin prezentasiyasından sonra səslənib.

    "Bizim elmi metodika sayəsində Azərbaycan və regionun digər xalqlarının mədəni irsinin nümunələrinə qarşı erməni iddialarının qarşısını almaq olar", - sektor müdiri vurğulayıb.

    Qeyd edək ki, regionun xalqlarının mədəni irsi ilə bağlı erməni iddialarının ifşa edilməsi üzrə layihə dekabrın 2-də "AZER-GLOBE" İctimai-Siyasi Tədqiqatlar İnstitutu yanında Qafqaz Tarixi Mərkəzi tərəfindən təqdimat edilib.

    "Erməni ideoloqlarının hüquqi savadsızlığından başqa, hər hansı təbiət mənşəli obyektin "qeyri-maddi mədəni irs" kimi təqdim edilməsi fikri absurd görünür. Azərbaycan və ya Türkiyənin bayrağında ayparanın şəkili olduğundan, bu ölkələr tərəfindən göy cismi olan Ayın azərbaycanlıların qeyri-maddi mədəni irsi kimi siyahıya salınması müraciəti analoji görünərdi", - bu barədə Mərkəzin yaydığı məlumatda bildirilir. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi