Yuxarı
    Bağlamaq

    Fransua Olland: "Fransa Dağlıq Qarabağ münaqişəsinin həlli istiqamətində səylərini davam etdirəcək"

    Fransa prezidenti Azərbaycanın dövlət başçısını 28 May - Respublika Günü münasibətilə təbrik edib

    Bakı. 25 may. REPORT.AZ/ Fransa Respublikasının prezidenti Fransua Olland Azərbaycan Respublikasının Prezidenti İlham Əliyevi 28 May - Respublika Günü münasibətilə təbrik edib.

    "Report"un məlumatına görə, təbrik mətnində deyilir:

    "Cənab Prezident.

    Azərbaycanın milli bayramı – Respublika Günü münasibətilə Sizə və xalqınıza böyük səmimiyyətlə sülh, əmin-amanlıq və tərəqqi arzularımı çatdırıram.

    Ötən illərdə olduğu kimi, bu il də Fransa ilə Azərbaycan arasında əməkdaşlıq əlaqələrinin inkişafı bütün sahələrdə davam edib. Tezliklə Bakıda açılacaq Fransız Azərbaycan Universiteti buna bariz nümunədir. Mən buna şadam və arzu edirəm ki, ölkələrimizi birləşdirən tərəfdaşlıq əlaqələri daha da dərinləşsin və müxtəlif sahələri əhatə etsin.

    Bu xoş fürsətdən istifadə edərək Sizi əmin edirəm ki, Minsk qrupunun həmsədri kimi Fransa rusiyalı və amerikalı tərəfdaşları ilə Dağlıq Qarabağ münaqişəsinin sülh və danışıqlar yolu ilə həlli istiqamətində səylərini davam etdirəcək.

    Cənab Prezident, Sizə olan ən yüksək ehtiramımı qəbul etməyinizi xahiş edirəm".

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi