Yuxarı
    Bağlamaq

    Fransanın yeni səfiri Azərbaycana oktyabrın 27-də gələcək

    Aureliya Buşe səlahiyyətlərinin icrasına etimadnaməni Azərbaycan prezidentinə təqdim etdikdən sonra başlaya biləcək

    Bakı. 22 oktyabr. REPORT.AZ/ Fransanın Azərbaycana yeni təyin olunmuş səfiri Aureliya Buşe (Aurelia Bouchez) oktyabrın 27-də Bakıya gələcək. "Report" xəbər verir ki, A.Buşe səlahiyyətlərinin icrasına etimadnaməni Azərbaycan Prezidenti İlham Əliyevə təqdim etdikdən sonra başlaya biləcək.

    Xatırladaq ki, onun sələfi Paskal Monyenin diplomatik missiyasının müddəti oktyabrda başa çatıb.

    A.Buşe 2010-cu ilin aprelindən bəri Avropa İttifaqının Qazaxıstandakı nümayəndəliyinin rəhbəri olub. Daha öncəki illərdə isə o, NATO-nun regional, iqtisadi və təhlükəsizlik məsələləri üzrə baş katibinin köməkçisinin müavini kimi çalışıb.

    A.Buşe fransız, ingilis, rus və alman dillərini bilir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi