Yuxarı
    Bağlamaq

    Fransanın Azərbaycandakı səfirliyində dövlət bayrağı endirilib

    Terror aktı qurbanlarının xatirəsini yad etmək məqsədilə bu gün Fransanın bir çox şəhərlərində bayraqlar endirilib

    Bakı. 15 iyul. REPORT.AZ/ Nitsadsa törədilən terror aktı qurbanlarının xatirəsini yad etmək məqsədilə Fransanın Azərbaycandakı səfirliyində dövlət bayrağı endirilib.

    Bu barədə "Report"a səfirlikdən məlumat verilib.

    Qeyd edək ki, terror aktı qurbanlarına başsağlığı əlaməti olaraq bu gün Parisdə, Fransanın bir çox başqa şəhərlərində, eləcə də ölkə xaricindəki bir çox diplomatik missiyalarında bayraqlar endirilib.

    Xatırldaq ki, iyulun 14-də gecə saatlarında yük maşını sürücüsu Bastiliya qalasının alınması münasibətilə keçirilən atəşfəşanlığa baxmaq üçün Nitsa şəhərinin İngiltərə sahilinə toplaşan insan izdihamının olduğu əraziyə daxil olaraq onların üstündən keçib. Şahidlərin ifadələrinə görə, yük maşını dayanmadan irəliləyib, ziqzaqvari hərəkətlərlərlə daha çox insana xəsarət yetirməyə çalışıb. Yük maşınının təxminən 2 km məsafədə qarşısına çıxanı vurduğu söylənilir. Hücum edən şəxs atəş də açıb. O, polis tərəfindən zərərsizləşdirilib.

    Hadisə nəticəsində 84 nəfər həlak olub, onlarla insan yaralanıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi