Yuxarı
    Bağlamaq

    Fransa səfiri Şamaxı rayonunda olub

    Xanım Orelya Buşezi Şamaxı rayon İcra Hakimiyyətinin başçısı Asif Ağayev ilə görüşüb

    Bakı. 24 yanvar. REPORT.AZ/ Fransanın Azərbaycandakı səfiri  xanım Orelya Buşez Şamaxıya səfər edib. 

    Səfirlikdən "Report"a verilən məlumata görə, Şamaxı rayon İcra Hakimiyyətinin başçısı Asif Ağayev ilə görüş zamanı səfir Fransanın və Azərbaycanın regionları arasında qeyri-mərkəzləşdirilmiş formada əməkdaşlığın əhəmiyyətini və Fransanın Azərbaycan iqtisadiyyatının diversifikasiyası strategiyasına dəstəyini vurğulayıb.

    O, Şamaxı rayonunun kənd təsərrüfatı, üzümçülük və turizm kimi sahələrdə fəaliyyətindən və həyata keçirilən layihələrdən, eləcə də fransız dilinin məktəblərdə tədrisindən məmnun olduğunu bildirib.

    Səfir üzüm sahələrinə baş çəkib və burada regionun iki şərab istehsalçısı- "Az-Granata" və "Şirvan Şərab" şirkətlərinin nümayəndələri ilə görüşüb. O.Buşez fransız şirkətləri ilə əməkdaşlıqdan razı qaldığını söyləyib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi