Estoniyanın Azərbaycandakı müvəqqəti işlər vəkilinin missiyası başa çatıb

Bakı. 6 iyun. REPORT.AZ/ Estoniyanın Azərbaycandakı müvəqqəti işlər vəkili İndrek Kiverikin diplomatik missiyası başa çatıb.

"Report" xəbər verir ki, diplomat Bakıdan avqust ayında ayrılacaq.

İ.Kiverik fəaliyyətini Estoniya Xarici İşlər Nazirliyində davam etdirəcək. O, XİN-də Çinlə bağlı məsələlərə nəzarət edəcək.

Qeyd edək ki, İ.Kiverik bu vəzifəni artıq 3 ildir tutur. O, bu vəzifədə hazırda Avropa İttifaqının Qırğızıstandakı missiyasına rəhbərlik edən Yaap Oru əvəz edib.