Yuxarı
    Bağlamaq

    ​Elmar Məmmədyarov: "Üç dövlətin təhlükəsizlik sahəsində əməkdaşlığı terrorçuluğa qarşı daha yaxşı cavab olacaq"

    O, Türkiyədə son günlər törədilən terror hadisələrindən təəssüfləndiklərini, türk xalqı ilə həmrəy olduqlarını söyləyib

    Bakı. 19 fevral. REPORT.AZ/ "Regional təhlükəsizlik məsələsi üçtərəfli əməkdaşlığın daha yüksək səviyyədə olmasını tələb etdiyindən biz terrorçuluğa qarşı mübarizəni gücləndirməliyik". 

    "Report" Gürcüstan KİV-inə istinadən xəbər verir ki, bunu Azərbaycanın xarici işlər naziri Elmar Məmmədyarov Tbilisidə Türkiyə və Gürcüstandan olan həmkarları ilə keçirdiyi mətbuat konfransında bildirib.

    O, Türkiyədə son günlər törədilən terror hadisələrindən təəssüfləndiklərini, türk xalqı ilə həmrəy olduqlarını söyləyib.

    Onun sözlərinə görə, üçtərəfli görüşün yekun bəyanatında təhlükəsizlik sahəsində əməkdaşlığn vacibliyi vurğulanıb: "Üç tərəfin hüquq-mühafizə orqanları bu istiqamətdə əməkdaşlıq etməlidir. Üç dövlətin təhlükəsizlik sahəsində əməkdaşlığı terrorçuluğa qarşı daha yaxşı cavab olacaq".

    Qeyd edək ki, fevralın 19-da Tbilisidə Azərbaycan, Türkiyə və Gürcüstan xarici işlər nazirlərinin 5-ci üçtərəfli görüşü keçirilib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi