Elmar Məmmədyarov Tacikistanın Azərbaycana yeni təyin olunan səfirini qəbul edib

Bakı. 29 avqust. REPORT.AZ/ Azərbaycan xarici işlər naziri Elmar Məmmədyarov Tacikistan Respublikasının yeni təyin olunan səfiri Soli Rüstəmi qəbul edib

Nazirlikdən "Report"a verilən məlumata görə, görüşdə S.Rüstəm etimadnaməsinin surətini E.Məmmədyarova təqdim edib.

Səfir ölkəsinin bütün sahələrdə Azərbaycan ilə əməkdaşlığı inkişaf etdirməkdə maraqlı olduğunu deyərək diplomatik fəaliyyəti müddətində ikitərəfli əlaqələrin inkişafı üçün səylərini əsirgəməyəcəyini bildirib.

Nazir Soli Rüstəmə diplomatik fəaliyyətində uğurlar arzulayıb.