Yuxarı
    Bağlamaq

    Elmar Məmmədyarov Belçika və Almaniyaya səfər edəcək

    Azərbaycan XİN başçısı NATO və ATƏT-in tədbirlərində iştirak edəcək

    Bakı. 5 dekabr. REPORT.AZ/ Azərbaycanın xarici işlər naziri Elmar Məmmədyarov dekabrın 7-də Brüssel şəhərində keçiriləcək NATO-nun Əfqanıstana Qətiyyətli Dəstək Missiyasına töhfə verən ölkələrin xarici işlər nazirlərinin toplantısında iştirak etmək üçün Belçikaya işgüzar səfər edəcək.

    Bu barədə "Report"a Xarici İşlər Nazirliyinin mətbuat xidmətindən məlumat verilib. 

    Nazirlikdən bildirilib ki, E.Məmmədyarov, həmçinin dekabrın 8-9-da Hamburq şəhərində keçiriləcək ATƏT-in Xarici İşlər Nazirləri Şurasının 23-cü iclasında iştirak etmək üçün Almaniyaya işgüzar səfər edəcək.

    Azərbaycan XİN başçısının sözügedən tədbirlərdə çıxışları və bir sıra ikitərəfli görüşlər keçirməsi nəzərdə tutulub.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi