Yuxarı

​Elmar Məmmədyarov: "Azərbaycan Minsk qrupunun işindən narazıdır"

Həmsədrlər BMT Təhlükəsizlik Şurasının müvafiq qətnamələrinin icrasını təmin etməlidirlər

Bakı. 2 fevral. REPORT.AZ/ Azərbaycan ATƏT-in Minsk qrupunun işindən narazıdır. Minsk qrupu bütün bu illər ərzində Dağlıq Qarabağ münaqişəsinin nizamlanmasında irəliləyiş əldə edə bilməyib.

"Report" xəbər verir ki, bunu Bakıda səfərdə olan yunanıstanlı həmkarı Nikos Kotzias ilə birgə keçirilən mətbuat konfransında Azərbaycanın xarici işlər naziri Elmar Məmmədyarov bildirib.

"Azərbaycanın ərazi bütövlüyü bərpa olunmalıdır", - deyə XİN rəhbəri bildirib və ATƏT-in Minsk qrupu həmsədrlərini bu istiqamətdə fəaliyyətlərini gücləndirməyə çağırıb.

"BMT Təhlükəsizlik Şurasının beş üzvündən üçünü təmsil edən Minsk qrupu həmsədrləri Şuranın müvafiq qətnamələrinin icrasını təmin etməlidirlər", - deyə XİN rəhbəri vurğulayıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi