Bakı. 29 fevral. REPORT.AZ/ Azərbaycan XİN rəhbəri Elmar Məmmədyarov Bakıda səfərdə olan Avropa İttifaqının xarici işlər və təhlükəsizlik siyasəti üzrə ali nümayəndəsi Federika Mogerini ilə görüşüb.
Keçirilmiş təkbətək və geniş tərkibli görüşlərin nəticəsi olaraq Azərbaycan XİN rəhbəri Elmar Məmmədyarov bildirib ki, tərəflər ötən ilin may ayında "Şərq tərəfdaşlığı"na dair Riqa sammiti zamanı rəsmi Bakı tərəfindən təqdim edilən Azərbaycanla Aİ arasında strateji tərəfdaşlığa dair müqavilə layihəsini dəstəkləyir.
"Azərbaycanla Avropa İttifaqı arasında mövcud olan əməkdaşlıq günbəgün möhkəmlənir", - deyə E.Məmmədyarov qeyd edib.
Sonda F.Mogerini E.Məmmədyarovu Brüsselə dəvət edib.