Yuxarı

Dünyanın ən təhlükəsiz ölkələri açıqlanıb

Crime Index for Country 2016nın reytinqinə görə Azərbaycanda 117 ölkə arasında 87-ci yeri tutub

Bakı. 11 aprel. REPORT.AZ/ "Numbeo"nun versiyasına əsasən, "Crime Index for Country 2016" reytinqində Azərbaycanda 117 ölkə arasında 87-ci yeri tutub. "Report" xəbər verir ki, reytinqə görə Azərbaycanın təhlükəsizlik indeksi 67,61, cinayətkarlıq indeksi isə 32,39-dur.

Qeyd etmək lazımdır ki, siyahının sonlarında ən təhlükəsiz ölkələr qərarlaşıb. Belə ki, reytinqdə sonuncu - 117-ci yerdə Cənubi Koreya 85,69 (14,31), 116-cı pillədə isə Sinqapur 84,19 (15,81) qərarlaşıb.

Dünyanın ən təhlükəsiz ölkələri sıralamasında top-10-a bu ölkələr də düşüb: Yaponiya (115-ci yer), Honkonq (114), Tayvan (113), Gürcüstan (112), Qətər (111), Birləşmiş Ərəb Əmirlikləri (110), Avstriya (109), Estoniya (108).

Qeyd edək ki, siyahıda Türkiyə 71-ci, Rusiya isə 50-ci yeri tutub.

Ən təhlükəli və cinayətkarlıq indeksinin yüksək olduğu ölkələr isə Venesuela, Cənubi Sudan, Cənubi Afrika, Papua Yeni Qvineya və Hondurasdır. Bu ölkələr sıralamada ilk pillələrdə yer alıblar.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi