Ceyhun Bayramov İsrailin müdafiə nazirini postmünaqişə dövrü barədə məlumatlandırıb

Azərbaycanın xarici işlər naziri Ceyhun Bayramov İsrailin müdafiə naziri Yoav Qallantı postmünaqişə dövründə bölgədə mövcud vəziyyət, Azərbaycanın regionda sülh və təhlükəsizliyin bərqərar edilməsi istiqamətində sülh və quruculuq səyləri barədə qarşı tərəfi məlumatlandırıb.

Bu barədə “Report”a Azərbaycan Xarici İşlər Nazirliyindən bildirilib.

Nazir Yoav Qallant iki ölkənin müdafiə, hərbi-texniki sahədə uğurlu əməkdaşlıq təcrübəsinə istinad edərək, bu xüsusda, əməkdaşlığın daha da genişləndirilməsi üçün mövcud potensialdan istifadənin vacibliyini qeyd edib.

Qarşılıqlı təmasların davam etdirilməsinin əhəmiyyətli olduğu bildirilib.