Azərbaycan XİN başçısı ABŞ-nin Ermənistana dəstəyi barədə danışıb

Azərbaycan XİN başçısı ABŞ-nin Ermənistana dəstəyi barədə danışıb Xarici işlər naziri Ceyhun Bayramov 2024-cü ildə ABŞ-nin Ermənistana birtərəfli dəstək faktlarını Azərbaycanın gördüyünü bildirib.
Xarici siyasət
20 Yanvar , 2025 12:44
Azərbaycan XİN başçısı ABŞ-nin Ermənistana dəstəyi barədə danışıb

Xarici işlər naziri Ceyhun Bayramov 2024-cü ildə ABŞ-nin Ermənistana birtərəfli dəstək faktlarını Azərbaycanın gördüyünü bildirib.

"Report" xəbər verir ki, bu barədə nazir jurnalistlərə açıqlmasında deyib.

O, ABŞ-nin Ermənistana dəstəyi barədə bəhs edərək iki ölkə arasındakı münasibətləri şərh etmək istəmədiyini vurğulayıb:

"Ermənistan-Azərbaycan normallaşma prosesinin kifayət qədər intensiv mərhələsində özlərini vasitəçi kimi təqdim etməyə çalışan tərəflərin qərəzli yanaşmaları qəbuledilməzdir. Azərbaycan öz suverenleyini bərpa etdikdən qısa müddət sonra Demokratlar Administrasiyası tərəfindən "Azadlığa dəstək aktı"na 907-ci düzəlişin qüvvəsinin dayandırılmasına dair addımın atılmaması, bununla da müəyyən mənada ölkəmizin cəzalandırılması niyyətlərini və digər qərəzli addımları görürük".

C.Bayramov ABŞ-dəki yeni Prezidentin inaqurasiyasından sonra Azərbaycana yanaşma fərqini müşayiət edəcəklərini vurğulayıb:

"Güman edirik ki, ABŞ-dəki yeni prezidentin inaqurasiyasından sonra Azərbaycana yanaşma fərqini müşayiət edəcəyik, ən azından qarşılıqlı maraqlar və hörmət əsasında formalaşmış münasibət görəcəyik".

Son xəbərlər

Orphus sistemi