Ukrayna vətəndaşlığı alan azərbaycanlıların sayı açıqlanıb

Bu ilin ilk yarısında 6 azərbaycanlı Ukrayna vətəndaşlığı alıb.

“Report” xəbər verir ki, bu barədə “Ukrainskix Novin”in sorğusunu cavablandıran Ukrayna Dövlət Miqrasiya Xidmətinin məlumatında bildirilib.

Qeyd olunub ki, ilin ilk altı ayı ərzində ümumilikdə 251 əcnəbiyə Ukrayna vətəndaşlığı verilib. Bu baxımdan Rusiya (53), Ermənistan, Suriya (hərəyə 27) və İraq (22) vətəndaşları daha çox vətəndaşlıq dəyişdirib.