Yuxarı

BQXK: 3 minə yaxın erməni gərginlik səbəbiylə təmas xəttindəki əraziləri tərk edib

Dağlıq Qarabağ münaqişəsinin tərəfləri vəziyyətin kəskinləşməsi nəticəsində itkin düşənlərlə bağlı BQXK-ya rəsmi müraciət etməyib

Bakı. 6 aprel. REPORT.AZ/ İlkin hesablamalara görə, 3 minə yaxın erməni Dağlıq Qarabağ münaqişəsi zonasında gərginlik səbəbiylə təmas xəttindəki əraziləri tərk edib.

"Report" "News.am" portalına istinadən xəbər verir ki, bu barədə Beynəlxalq Qızıl Xaç Komitəsinin (BQXK) Yerevan ofisi məlumat verib.

BQXK ofisinin nümayəndəsi Zara Amatuninin sözlərinə görə, təşkilat infrastrukturun bərpa edilməsində yardım etməyə hazırdır.

O, Dağlıq Qarabağ münaqişəsi tərəflərinin vəziyyətin kəskinləşməsi nəticəsində itkin düşənlərlə bağlı BQXK-ya rəsmi müraciət etmədiyini vurğulayıb: "Bununla belə, bu cür müraciətlərin olacağı halda BQXK bu məsələ üzrə neytral vasitəçi kimi çıxış etməyə hazırdır", - deyə Komitənin Yerevan ofisinin rəsmisi bildirib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi